A Surava ha Clara Farrér-Pazeller avert avant quatter onns in museum da poppas. L'anteriura scolasta posseda dapli che 1'400 poppas – in gronda part è exponida.
Sia amur per las poppas saja adina stada activa ed uschia sajan cun ils onns vegnidas tiers adina dapli, uschia ch'il museum ha dapli poppas ch'abitants. En il Profil raquinta la mamma da trais uffants e set biadis dentant betg mo da sias poppas – ma er dal jodlar, il sunar la tiba e tradescha sche poppas han in'olma.
Cun Joggeli ha cumenzà la fascinaziun da Clara Farrér-Pazeller per il mund da las poppas. Sco mattatscha ha ella survegnì la poppa ch'è stada l'entschatta da l'amur per poppas.