Ils 11 da zercladur vegn festivà il di mundial da la poppa. In di spezial è quai per Clara Farrér-Pazeller da Surava. Gia blers onns rimna ella poppas da tutta sort, fatgas or da plastic, porcellana e laina. A Surava ha la dunna da 67 onns in agen museum, nua ch’ella expona sias poppas.
Ella possedia dapli che 1400 poppas, di la rimnadra da poppas en il discurs cun RTR. Ina gronda part haja ella en il museum da poppas a Surava. Adina puspè midia ella ora poppas, per avair in pau variaziun en l’exposiziun. Avert è il museum dapi l’onn 2018. Ella haja gì tantas poppas, ch’ella haja pensà ch’i saja donn da betg mussar ellas a la publicitad. Ussa saja ella loscha ch’ella possia mussar ses stgazi ad interessadas ed interessads.
audio
A Surava «abitan» dapli poppas ch'umans
04:01 min, ord Actualitad dals 11.06.2022.
laschar ir. Durada: 4 minutas 1 Secunda.
Poppas giuvnas e veglias da differentas naziunalitads
En il museum èn exponidas poppas da diversas marcas, temas e vegliadetgnas. La pli veglia poppa da lain è dapli che 200 onns veglia. La gronda part da la collecziun èn cumpras. Per part ha Clara Farrér-Pazeller però era fatg sezza. Visitar il museum pon ins sin dumonda – uras d’avertura fixas na datti naginas.
1 / 11
Legenda:
Clara Farrér-Pazeller cun ina poppa che vesa or sco in vair pop.
RTR, Federico Belotti
2 / 11
Legenda:
Era quests dus gardists Svizzers na dastgan betg mancar.
RTR, Federico Belotti
3 / 11
Legenda:
La pli veglia poppa en l'exposiziun è dapli che 200 onns veglia.
RTR, Federico Belotti
4 / 11
Legenda:
Nils Holgersson cun ses raspun Krümel ha Clara Farrer-Pazeller fatg sezza.
RTR, Federico Belotti
5 / 11
Legenda:
Las trais poppas da maun dretg ha Clara Farrer-Pazeller fatg sezza – quai èn commembers da la famiglia.
RTR, Federico Belotti
6 / 11
Legenda:
Clara Farrér-Pazeller è loscha sin ses museum.
RTR, Federico Belotti
