Cuira e Roma survegnan nagins daners da taglia

Taglias da persunas natiralas restan en las plaivs. Taglia da cultus da persunas giuridicas survegnan las baselgias chantunalas. Quai vala tant per la Baselgia catolica sco era per la Baselgia refurmada en il chantun Grischun.

Redacziun: Claudia Cathomen

Tut ils daners da taglia da persunas natiralas restan en las plaivs catolicas. Ni l'uvestgieu, ni il Vatican survegnan da quels daners. Tar la Baselgia refurmada dal chantun Grischun van 3,5% dals daners da taglia da persunas natiralas a la Baselgia chantunala.

Singulas contribuziuns

Zum Audio

L'uvestgieu survegn il franc da l'uvestg

Durada 9 minutas 46 Secundas , Claudia Cathomen

Circa 5% dals daners da taglia da persunas giuridicas survegn l'uvestgieu. Quai sa numna il franc da l'uvestg, di Thomas Bergamin ch'è president da la cumissiun administrativa da l'executiva da la Baselgia catolica Grischuna. Tut il rest dals daners resta en la cassa da la Baselgia chantunala.

Zum Audio

Gulivaziun da finanzas tar baselgias chantunalas

Durada 9 minutas 14 Secundas , Claudia Cathomen

Tar la Baselgia refurmada dal chantun Grischun van 3.5 % dals daners da taglia da persunas natiralas a la Baselgia chantunala, declera Erika Cahenzli ch'è la presidenta dal cussegl baselgia da la Baselgia refurmada dal chantun Grischun.

Tant la Baselgia catolica sco la Baselgia refurmada dal chantun Grischun han ina gulivaziun da finanzas tranter plaivs finanzialmain fermas e flaivlas. Ed omaduas baselgias sustegnan er il mantegniment e renovaziuns da baselgias e chapluttas che tutgan a las plaivs.