4.5 billiuns stumbels da cigarettas

Mintga onn vegnan sin l’entir mund bittads davent 4,5 billiuns stumbels da cigarettas. En Svizra inditgeschan 16% da las persunas che fiman ch’els dismettan lur restanzas da cigarettas per terra sch’igl ha gist nagina sadella da lavadiras damanaivel. In dieschavel da fimaders e fimadras svizras inditgeschan tenor in studi ch’els ed ellas fan quai regularmain. Ils stumbels procuran er per custs enorms – en Svizra dattan las vischnancas mintg’onn or 52 milliuns per dismetter restanzas da cigarettas ch’en sa tschentadas en l’ambient. L’organisaziun svizra stop2drop cumbatta encunter ils stumbels da cigarettas en il spazi public. Gia per la terza giada ha lieu l’acziun naziunala da rimnar stumbels da cigarettas. Quella cuzza duas emna, davent ils 11. mars 2025 fin ils 25. Maz 2025. La finamira è da rimnar in milliuns stumbels da cigarettas. Sin la pagina d’internet stop2drop.ch datti tut las infurmaziuns davart quell’acziun.