Malgrà quella fusiun actuala, il temp da las grondas maridaglias para d'esser passà in zic. Quai era sche la regenza grischuna vul a lunga vista sminuir il dumber da las vischnancas per anc ina giada la mesadad. In di duai be pli dar 50 vischnancas.
Che quai n'è betg usche simpel mussan divers exempels dal passà. In vi e nà hai per exempel dà tranter las vischnancas da Laax, Schluein e Sagogn. La finala han ils da Laax dà chanaster als dus vischins che fissan stads pinads per ina lètg en trais.
Ma i po era gartegiar: L'onn 2015 e l'onn 2009 ha mintgamai dà 6 fusiuns. Avant 10 onns èn per exempel Ardez, Ftan, Guarda, Scuol, Sent e Tarasp sa mess ensemen sco vischnanca fusiunada Scuol.
Ed anc in zic dapli experientscha sco vischnanca fusiunada han ils dad Andeer. Dapi il 2009 tutgan Clugin e Pignia tar la vischnanca Andeer.
E tgi sa, forsa datti sco proxim ina fusiun en l'Engiadin'Ota u forsa tuttina la fusiun sisum la Cadi sco quai ch'ins ha era gia tematisà.
Che quai n'è betg usche simpel mussan divers exempels dal passà. In vi e nà hai per exempel dà tranter las vischnancas da Laax, Schluein e Sagogn. La finala han ils da Laax dà chanaster als dus vischins che fissan stads pinads per ina lètg en trais.
Ma i po era gartegiar: L'onn 2015 e l'onn 2009 ha mintgamai dà 6 fusiuns. Avant 10 onns èn per exempel Ardez, Ftan, Guarda, Scuol, Sent e Tarasp sa mess ensemen sco vischnanca fusiunada Scuol.
Ed anc in zic dapli experientscha sco vischnanca fusiunada han ils dad Andeer. Dapi il 2009 tutgan Clugin e Pignia tar la vischnanca Andeer.
E tgi sa, forsa datti sco proxim ina fusiun en l'Engiadin'Ota u forsa tuttina la fusiun sisum la Cadi sco quai ch'ins ha era gia tematisà.