«Leteratura plus» da Rut Bernardi e Göri Klainguti

In impuls davart lingua, litteratura e scriver, en dialog ladin-puter tranter la scriptura Rut Bernardi e Göri Klainguti.

Rut Bernardi (* 1962) è ina scriptura, publicista, translatura e schurnalista dal Tirol dal Sid che publitgescha en ladin, tudestg e talian.
Göri Klainguti (*1945) è in scrivent e pur da l’Engiadina Auta. El ha publitgà divers cudeschs sco per exempel las Chasas Paternas «Gian Sulvèr», 1977; «Linard Lum», 1988; «L’ü», 2005 e dal 2019 è cumparì il cudesch da prosa «Na, ogets nu discuorran!» tar la Chasa Editura Rumantscha.

Leteratura cun mujiga

G: Quinta da tias experienzas da la lavur cun musica.

R: I nia Ladins dij for/adüna: l ladin à tan n bel sound! Perchël ei bele laurà n valgun iedesc cun musicisć. É liet cun l sassofonist Werner Lüdi y te mi proiet nuef „L’ert per l’ert“ cun la grupa Eseleptitun che à scrit la mujiga per 19 poejies.

G: Hest tü lo be do las poesias e’ls musicists haun cumponieu tiers tieus pleds? Zieva lur cumposiziuns nun hest tü pü pudieu u stuvieu fer ünguotta?

R: No. Ie ti lijove dant la poejies y ëi fajova ntant la mujiga lessù.

G: E cu es steda tia experienza?

R: Nëus scritëures lauron massa suvënz da sëui y messessan cunlauré plu suvënz cun d’autri artisć. Canche te ies sun palch coche na ciantarina de na „band“ muesses vester scialdi plu prejënta y segura y liejer plan y avisa.

G: La tendenza saro hozindi dapertuot cha la scrittüra vela qualchosa be sch'ella vain eir preschanteda: Piglia be ils cudeschs dad Arno Camenisch: Sch'el ils legia ho la glieud bgerun pü plaschair cu sch'els stöglian svessa ler.

R: L prim iede che é audì Arno Camenisch, me ovi fat maruei de si maniera de liejer „maniereda“. Nëus on al didancuei la concurënza di medias y messon fé „spetacul“ a liejer dant.

G: Ün’artista chi pittüra e nu fo üngün teater lotiers nu po hoz gnir cuntschainta – ma forsa es quelo sto uscheja eir già i'l temp da la renaschentscha, scha's guarda la concurrenza traunter Leonardo e Michelangelo. Ma hoz cun las pussibilteds bod illimitedas da trametter purtret e tun tres tuot il muond saro que gnieu auncha pü acut. Be scriver nun ho mê bastieu. Ma be scriver e publicher nu pera neir pü dad esser avuonda.

R: Danz. Ma coche dijon per gherdëina: mei de majeres - tant pis.