Ina varianta da cugliunarias via l'applicaziun da chat èn messadis cun links che mainan a paginas sfalsifitgadas. Là è il sistem sumegliant sco tar ils uschenmunads mails da phishing.
Sin ina pagina sfalsifitgada vegnan ins dumandà per datas persunalas. D'enconuscher sche la pagina è originala u fake n'è savens gnanc uschè simpel perquai ch'ils fradaders emprovan cun tut il pussaivel davent da logos, colurs e text da crear ina cumparsa autentica. Però ha il text savens sbagls e cunzunt l'adressa da la pagina è per il pli curiusa e n'ha da far tant sco nagut cun l'interpresa che para da star davostiers. Plinavant pon ins era dir sco tip che interpresas grondas sco la Posta, la SBB ed autras na dumondan mai via links e cunzunt betg via Whatsapp d'inditgar datas persunalas u da contos.
Tips per sa proteger curt e concis:
· Betg avrir links sch'ins n'è betg dal tuttafatg segir danunder che quels vegnan.
· Mai dar vinavant datas persunalas, da conto u codes da verificaziun. Tuttina tgi che dumonda.
· Activar l'autentificaziun da dus facturs tar Whatsapp e latiers anc il pin persunal supplementar.
· Proteger er la combox cun in code segir e betg simplamain «000000» ubain «1234».
Il tric cun la verificaziun dubla
Ina pli nova metoda da cugliunar è la via da survegnir il code da verificaziun uschia ch'ins ha access a l'entir conto da Whatsapp. Las persunas criminalas emprovan d'activar il conto sin lur agen telefonin. Quai è pussaivel uschè svelt ch'els han il nummer da telefon. Lura trametta Whatsapp per SMS in code da verificaziun. Atgnamain ina mesira da segirtad. Ils criminals tramettan lura en il num d'ina persuna ch'ins enconuscha e ch'ins ha probabel en ils contacts in messadi cun la dumonda: «Hallo, jau hai tramess per sbagl in code a tai. Pudessas trametter quel a mai?». Ma davos la persuna enconuschenta sa zuppa sco menziunà ina criminala. Sch'ins trametta pia ad ella il code ch'è vegnì per SMS ha quella persuna access cumplain al conto da Whatsapp. Ils fraudaders mettan lura enavos il conto e collian quel cun lur agen nummer. Ins sez n'ha lura nagin access e nagina controlla pli.
Evitar quest privel pon ins cun activar anc in pin persunal tar l'aplicaziun da Whatsapp. Da chattar en las opziuns.
Il tric cun la combox
Ina varianta anc pli perfida è quella via in telefon che va sin il «respundider». Tar Whatsapp pon ins numandamain tscherner sch'ins less il code da verificaziun per l'annunzia al conto sco SMS, sco e-mail ubain sco telefon sin la combox. Per il pli capita questa emprova da fraud la notg cura ch'ins na piglia betg encunter il telefon. Sch'ins n'ha betg activà in code per la combox ubain be in da standard sco «000000» ubain «1234», lura pon criminals tadlar senza problems la combox ed uschia survegnir il code da verificaziun. Quai che succeda suenter è lura il medem sco tar la varianta dal messadi da la «persuna enconuschenta».
Era quest privel pon ins evitar cun activar in pin per la combox ch'ins sto lura inditgar per tadlar ils messadis. Quella pussaivladad chattan ins en las opziuns da l'applicaziun da telefonar.
Sin ina pagina sfalsifitgada vegnan ins dumandà per datas persunalas. D'enconuscher sche la pagina è originala u fake n'è savens gnanc uschè simpel perquai ch'ils fradaders emprovan cun tut il pussaivel davent da logos, colurs e text da crear ina cumparsa autentica. Però ha il text savens sbagls e cunzunt l'adressa da la pagina è per il pli curiusa e n'ha da far tant sco nagut cun l'interpresa che para da star davostiers. Plinavant pon ins era dir sco tip che interpresas grondas sco la Posta, la SBB ed autras na dumondan mai via links e cunzunt betg via Whatsapp d'inditgar datas persunalas u da contos.
Tips per sa proteger curt e concis:
· Betg avrir links sch'ins n'è betg dal tuttafatg segir danunder che quels vegnan.
· Mai dar vinavant datas persunalas, da conto u codes da verificaziun. Tuttina tgi che dumonda.
· Activar l'autentificaziun da dus facturs tar Whatsapp e latiers anc il pin persunal supplementar.
· Proteger er la combox cun in code segir e betg simplamain «000000» ubain «1234».
Il tric cun la verificaziun dubla
Ina pli nova metoda da cugliunar è la via da survegnir il code da verificaziun uschia ch'ins ha access a l'entir conto da Whatsapp. Las persunas criminalas emprovan d'activar il conto sin lur agen telefonin. Quai è pussaivel uschè svelt ch'els han il nummer da telefon. Lura trametta Whatsapp per SMS in code da verificaziun. Atgnamain ina mesira da segirtad. Ils criminals tramettan lura en il num d'ina persuna ch'ins enconuscha e ch'ins ha probabel en ils contacts in messadi cun la dumonda: «Hallo, jau hai tramess per sbagl in code a tai. Pudessas trametter quel a mai?». Ma davos la persuna enconuschenta sa zuppa sco menziunà ina criminala. Sch'ins trametta pia ad ella il code ch'è vegnì per SMS ha quella persuna access cumplain al conto da Whatsapp. Ils fraudaders mettan lura enavos il conto e collian quel cun lur agen nummer. Ins sez n'ha lura nagin access e nagina controlla pli.
Evitar quest privel pon ins cun activar anc in pin persunal tar l'aplicaziun da Whatsapp. Da chattar en las opziuns.
Il tric cun la combox
Ina varianta anc pli perfida è quella via in telefon che va sin il «respundider». Tar Whatsapp pon ins numandamain tscherner sch'ins less il code da verificaziun per l'annunzia al conto sco SMS, sco e-mail ubain sco telefon sin la combox. Per il pli capita questa emprova da fraud la notg cura ch'ins na piglia betg encunter il telefon. Sch'ins n'ha betg activà in code per la combox ubain be in da standard sco «000000» ubain «1234», lura pon criminals tadlar senza problems la combox ed uschia survegnir il code da verificaziun. Quai che succeda suenter è lura il medem sco tar la varianta dal messadi da la «persuna enconuschenta».
Era quest privel pon ins evitar cun activar in pin per la combox ch'ins sto lura inditgar per tadlar ils messadis. Quella pussaivladad chattan ins en las opziuns da l'applicaziun da telefonar.
