UKW, las undas ultra curtas vegnan duvradas dapi passa 70 onns ed èn limitadas dal plaz per emetturs ed era da la qualitad. Perquai mida la SRG SSR cun l'entschatta dal 2025 sin la tecnologia da DAB+. Enfin la fin dal 2026 midan alura era tut ils ulteriurs radios, perquai che UKW vegn alura tschentà giu cumplainamain.
Tge èn ils avantatgs da DAB+?
· Meglra qualitad. Il signal na ramura betg pli.
· Emetturs vegnan arcunads direct ed ins na sto betg pli tschertgar la frequenza
· La derasaziun è bler meglra, ins po uss era tadlar RTR a Genevra, quai na funcziunava betg cun UKW
Co sai jau ch'jau hai in radio DAB+?
· Ha il radio in visur digital? Sche na, alura èsi segir betg in radio DAB+
· Sch'emetturs han in «+» davos il num alura èsi DAB+, p. ex. «Radio RTR+»
· Guardar en las opziuns dal radio, sch'ins po midar sin DAB
· La SRG SSR emetta il mument avis sin la midada via UKW. Quellas interrumpan il program normal be sin las undas ultra curtas.
Sch'ins n'ha anc betg in radio da DAB+ ston ins cumprar in nov radio. Per l'auto datti era adapters per il radio vegl.
Tar dumondas pon ins era consultar la pagina d'internet dabplus.ch u telefonar a a la hotline da la SRG SSR: 0848 040 102
