Tuttina tge vegliadetgna, gender, talent u idiom – nus tschertgain vus! Per la nova stafla «Battas RTR?!» tschertgain nus equipas da dus persunas, che san battar il team RTR (Marcus Petendi ed Elias Tsoutsaios) en trais gieus ed uschè gudagnar enfin 400.- francs cash!
Collega e colleg, frar e sora, cusrina e cusrin, mumma e figl, figlia e bap, scheffa ed emploià u marusa e marus – la cumbinaziun n'importa betg, be la motivaziun!
Avais vus temp ina da las seguaintas datas e portais il talent per batter RTR? Sche lura s'annunziai giusut!
Datas da producziun
Avrir la boxSerrar la box
Per ina episoda drovi circa in mez di da filmada. Las seguaintas datas stattan anc a disposiziun:
me, 07-05-2025
so, 14-06-2025
Tar l'annunzia savais inditgar las datas preferidas e scha vulais filmar avantmezdi u suentermezdi/saira.
Reglas da gieu
Avrir la boxSerrar la box
I cumbatta adina il team RTR (Marcus ed Elias) cunter duas persunas d'in team extern.
I dat fin 3 gieus (atletica, inschign e savida).
Per mintga gieu datti in punct.
Il team che cuntanscha sco emprim dus puncts gudogna.
Cun dus puncts datti per il team extern total 200 francs.
Sch'il team extern decida da far in terz gieu («all in») datti tar ina victoria total 400 francs e tar ina sconfitta nagut.
Tar in score da 2:1 per il team extern datti era la schanza «all in».
En quest cas pon ils giasts trair la sort tranter trais bustas. Duas cuntegnan nagut, ina cuntegna 400 francs.
Per il team RTR na datti nagin premi.
Responsabla per successiun, realisaziun e survegliar las reglas è l'arbitra Dalia Poltera.
L'emprima stafla entira ed entratga: 90 minutas cumbat ed acziun
Tge diavel è «Battas»?
Emblidai Joko e Klaas! E quel da Raab ha gia mintgina e mintgin battì. Uss vali da batter RTR!
Sche vus battais il team RTR (Marcus ed Elias) en trais gieus datti enfin a 400 francs CASH en il maun.
Tgi èn Marcus ed Elias
Els lavuran sco redacturs e moderatur tar RTR, en dentant oravant tut era enconuschents sco vuschs dal podcast «Ils Dus Da Nus»
