Ils servetschs da la Rega èn era l'onn passà stads dumandads. La centrala dal servetsch da salvamant ha organisà en tut 20'647 engaschis. Quai sajan en media 57 engaschis aifer 24 uras – ed in zic pli paucs che l'onn avant, scriva la Rega en ses rapport annual. L'onn avant è stà in onn da record cun 20'992 acziuns.
En tut ha la Rega transportà 13'647 pazientas e pazients cun ses helicopters ed aviuns d'ambulanza. Quai èn 3,8% pli paucs che l'onn avant. Il pli savens è la Rega sgulada pervia d'accidents da sport d'enviern. Ils 20 helicopters da la Rega èn sgulads in zic damain che l'onn passà – en tut 15'695 giadas. Dentant hai dà dapli engaschis en l'exteriur che l'onn passà cun en tut 1'372 – pia 6,2% dapli.
Il resultat da gestiun munta a 28,2 milliuns francs – quai tar entradas da 216,7 milliuns ed expensas da 188,5 milliuns francs.
