La Rega ha stuì gidar uschè bleras persunas il mais passà sco anc mai durant in schaner. Quai ha ditg Ernst Kohler, il schef da la Guardia aviatica svizra da salvament, en l’intervista cun la «SonntagsZeitung». Tut en tut saja la Rega entrada en acziun dapli che 1’570 giadas. Cumpareglià cun il schaner 2023 saja quai in plus da 22 pertschient.
Contribuì a quest augment hajan tranter auter la bell’aura – ch’haja carmalà bleras persunas en la muntogna – e las cundiziuns dad ir cun skis: Las pistas sajan surtut l’avantmezdi fitg diras, uschia ch’er il privel da sa far mal creschia, ha declerà Kohler.
Or da l'archiv
video
Basa da la Rega a Samedan è en privel
Or da Telesguard dals 16.12.2022.
laschar ir. Durada: 3 minutas 8 Secundas.
