Zambregiar - Il nanin da Nadal cotschen

Ils materials

• rolla da palpiri da tualetta
• fieuter cotschen ed alv
• lingera
• penel
• 1 culla da lain
• colurs d'acril
• nettegiapipas
• colla alva u colla chauda
• rispli
• forsch

Pass per pass

1. Skizzar cun rispli la fatscha dal nanin da Nadal.
2. Colurar la fatscha cun colur d'acril.
3. Tatgar il fieuter cotschen enturn la rolla da palpiri da tualetta.
4. Tagliar giu ina sdrima da fieuter alv da 2 cm ladezza e l’entagliar cun pitschnas furmas da ziczac. Tatgar il fieuter sin la rolla da palpiri da tualetta.
5. Tagliar or dal fieuter cotschen in quart rudè per far la chapitscha da nanins. Il toc sto esser grond avunda per tanscher enturn la culla da lain (chau dal nanin da Nadal).
6. Faudar il fieuter cotschen uschia ch’el ha la furma d’ina chapitscha da nanins. Tatgar ensemen il fieuter sin la vart davos.
7. Tagliar ina strivla alva or dal fieuter alv e la tatgar enturn l’ur sut da la chapitscha da nanins.
8. Fixar la chapitscha sin il chau.
9. Tagliar il nettegiapipas uschia ch’i dat bratscha e chommas.
10. Tagliar or dal fieuter alv pitschens guants e tatgar vi da la bratscha.
11. Tatgar las chommas sin la vart dadens da la rolla da palpiri da tualetta.
12. Tatgar la bratscha sut il fieuter alv.

1 / 6

2 / 6

3 / 6

4 / 6

5 / 6

6 / 6