Siglir tar il cuntegn
Rätoromanische Kinderlieder zum Mitsingen, hinter den Kulissen.
Legenda: RTR

Chanzunettas Novas chanzunettas per uffants

Temps per novas chanzunettas! RTR ha publitgà novas chanzuns rumantschas per chantar e telechargiar. Ensemen cun nus sas ti dar in tgit davos las culissas e guardar co che ina registraziun da chanzuns vesa ora.

Igl è puspè uschè lunsch – i dat 14 novas chanzunettas per tai e tes amis en nossa audioteca. Las chanzuns sas ti tadlar, chantar e telechargiar.

Audioteca

Co vegnan novas chanzuns fatgas? Has ti gia ina giada vis co uschè ina registraziun da chanzuns vesa ora? Nus avain accumpagnà las duas chantaduras Flavia Walder e Braida Janett durant la registraziun da chanzunettas en la chasa da medias RTR.

Impressiuns da las registraziuns

Per mai esi chanzuns ch'jau enconuscheva gia da mes mintga di – saja quai sco scolasta u sco mamma. Quellas sveglian era regurdientschas da pli baud.
Autur: Flavia Walder Chantadura e scolasta

Co che ellas han sa sentì durant las registraziuns e tge ch'èn lur chanzuns preferidas poss ti tadlar en l'intervista da radio.

Las chanzuns, che las chantaduras han registrà durant quest di vegnan publitgadas quest atun – ma pssst, quai è anc tut secret. 😉🎶

Fin lura poss ti fitg gugent tadlar las chanzunettas novas qua.

Mia chanzun favurita tranter quella gronda schelta è «La leivra e cumpagnia» perquai ch'ella raquinta in'istorgia en ina furma umoristica.
Autur: Braida Janett Chantadura e redactura da musica

Notas
Per che ti possias chantar cun ed eventualmain accumpagnar las chanzuns cun tes instrument datti tar mintga audio era las notas.

Bun divertiment!

Artitgels legids il pli savens