Si surchombras - Lavar dents

Qua chattas ti las notas tiers las chanzuns per telechargiar e chantar a chasa:

Las notas da las musicas

Per che ti sappias adina, nua e co che ti stoss schubregiar tes dents, avain nus creà in pitschen flyer d'agid per tai. Quel pos ti stampar ora e pender si en tes bogn.

Flyer sco PDF

Verset: Zoo da lavar dents

Uaaaah!
La bucca dal liun è uschè tschufragnada,
ella sto propi vegnir schubregiada.

Aaaaaaa!
Il crocodil lava ses dents e sa dumonda
quants da quels ch’igl uss anc suonda.

Vau, vau!,
Il chaun mussa ses dents alvs.
Grazi’al barschun restan els sauns e salvs.

E vus, chars uffantins,
uss lavai er vus voss dentins!

Faschai er vus dad aut Aaaaaaa!
Prest dents alvs avais – hurra!

Verset sco PDF

Verset: Vi e nà, si e giu – per in surrir traglischant

Schubregiar ils dents, mintga di,
la damaun e la saira, gliez segir.
Il barschun da dents bain enta maun,
betg memia dabot, mabain mo plaun.

In zic pasta da dents, in punct radund,
e lura cuntinuar cun il dretg svung.
Vi e nà, lavar, nettegiar,
si e giu, far traglischar.

Sura, sut e da las varts,
davant, davos, sur tut las parts.
Duas minutas, il temp va spert,
quai fa dents schubers, gliez è tschert.

Arno, Claudia, Luis’e Nic,
Tuts schubregian, e quai bain fix.
Per in surrir traglischant,
faschain nus quai gea franc.

Verset sco PDF

Verset: Davant, davos e tut ils rests viador

Il pli davos, il molar
cumenz jau ussa a lavar.
Ina giada vi e nà.
Lavar ils dents, nagut da nar!

Davant, davos, rudels uss far. (rari, rara)
E sura, sut cuntinuar.

Entadim lav jau lur or,
uschia ston ils rests viador.
Scua, scua, lava or,
tut la merda nauador.

Verset sco PDF

Impressiuns da la filmada