Videos e maletgs manipulads, uschenumnà Deep fakes, èn en las medias socialas fitg derasads. Davosvart stat ina intelligenza artifiziala (IA) che mida e falsifitgescha cuntegn per gronda part autonom. Cun agid da «Face Swapping» vegnan fatschas remplazzadas ma era perfin vuschs pon ozendi senz’auter vegnì imitadas.
Deep fakes pon entant vegnir creads cun computers commerzials e softwares gratuitas. Il resultat èn cuntegns che paran reals e ch'èn per in laic mo grev da demascrar sco in fake, damai betg vair.
La contribuziun «Deep Fake» mussa sco che tals videos vegnan creads, tge che las persunas davostiers vulan cuntanscher cun quai e sco ch’ins vegn sisura. Il schurnalist Timo Grossenbacher da SRF declera, sco che quellas tecnologias funcziuneschan e tge privels che quellas portan.
Material d’instrucziun
Stgalim: Sec. l, Sec ll
Roms: Medias ed informatica, etica, societad
Chavazzin: fake news, falsificaziun, faussa novitad, protecziun da datas, ladernitsch d’identitad, manipulaziun, propaganda, medias socialas, abus, cybermobing
Producziun: Katrin Sutter. SRF school 2020.
VOD: illimità