Uber – in servetsch da taxi dispitaivel
L'entschatta 2017 han las Viafiers federalas svizras preschentà lur plans per ils proxims onns. Tranter auter era ina nova applicaziun che pussibilitescha d’empustar in viadi cumplet. Saja quai cun tren, taxi mo era cun il dispitaivel servetsch Uber. Uber è ina nova purschida da taxi che ha blers avantatgs, ma che procura era per problems. Il Minisguard declera.
Regularmain chaus cotschens
Uber procura sin l'entir mund regularmain per chaus cotschens. L'interpresa intermediescha sur il smartphone incumbensas da transport tranter clients e manischunz. Uber na renconuscha ils manischunz dentant betg sco lavurants e na paja naginas prestaziuns da l'assicuranza sociala.
Uber duai pajar AVS en Svizra
L'intermediader da servetschs da taxi american, Uber, sa preschenta en Svizra sco patrun. Quai resulta d'ina expertisa ch'in professer da l'Universitad da Basilea ha fatg. Uber duai perquai pajar las contribuziun d'AVS. Il sindicat Unia pretenda da las autoritads da stgaffir mesiras effectivas en l'economia digitala per la protecziun dals lavurants.