La guerra civila ha cumenzà l'onn 2013 pervi d'in cumbat da pussanza tranter il president Salva Kiir e ses anteriur represchentant Riek Machar. Dapi lura èn dieschmillis persunas daventadas unfrendas dal conflict. Passa 3,5 milliuns èn fugidas da la violenza. En il Sudan dal Sid èn radund 5,5 milliuns persunas dependentas d'agid alimentar.
Blers uffants e giuvenils
Ed ils uffants èn quasi daventads la fatscha da la catastrofa. Radund 62 pertschient dals fugitivs èn uffants u giuvenils minorens. Radund la mesadad da quels èn fugitivs aifer il pajais, l'autra mesadad ha tschertgà refugi en ils pajais vischins.