Atgnamain è quai ina clera chaussa, ils 6 da december vegn il Son Niclà cun nuschs, pizieutas e tschigulattas. Ed ils gronds regals datti lura da Nadal, trais emnas pli tard dal Bambin. Ma pertge vesa il Bambin en ils Stadis Unids ora sco noss Son Niclà?
Nikolaus von Myre
Il Son Niclà sa basa sin Nikolaus von Myre. El era atgnamain in Uvestg che viveva enturn l'onn 300. Enturn Nikolaus von Myre datti pliras legendas. La pli enconuschenta: El ha regalà aur ad in um pover, per che sias figlias possian maridar. Da quella legenda vegn era la tradiziun da far pitschens regals.