Tar in brischament ston ins clamar ils pumpiers per stizzar il fieu. I dat era gruppas da pumpiers che porschan curs per uffants. Nus avain visità in'emprova dals uffants, ils futurs pumpiers.
Ils pumpiers ord vista dals scolarets da Ziràn
Tgi n'enconuscha betg il tun da la sirena da fieu che va tras pel ed ossa? Quell'audan ins cura ch'i brischa insanua. Fieu po esser fascinant, el è dentant era privlus. Per emprender co ir enturn cun fieu porschan ils pumpiers curs per uffants. En quels curs pon ins experimentar cun il fieu senza ch'i po capitar insatge ed ins emprenda era co ch'ins stizza il fieu. Nus avain visità ils scolarets da Ziràn ed avain vulì savair tge ch'els san sur da la lavur dals pumpiers, senza avair fatg in tal curs.