La fin da december 2017 ha il president dals Stadis Unids da l'America suttascrit in decret per dar l'incumbensa a la NASA da preparar il proxim viadi sin la glina e pli tard sin il Mars. Il Minisguard declera tge che la NASA è e pertge ch'i dat ella.
Mars
Il mars, er numnà il Planet Cotschen, è il planet il pli preferì sch'i va per perscrutaziuns e studis. Enturn 50 missiuns dal mars hai gia dà. Il Mars è in planet che sa chatta en il medem sistem solar sco il noss mund. Pli exact, el è il planet vischin da la Terra. Cumbain che la Terra è gia in planet fitg pitschen, è il Mars anc pli pitschen, numnadamain be mez uschè grond sco la Terra. Cuntrari a noss mund posseda il Mars duas glinas.
Meteorits
La NASA – quai è in uffizi dals Stadis Unids da l’America che s’occupa da la navigaziun spaziala – tegna tranter auter era en egl tut ils meteorits gronds che pudessan crudar sin terra. Uschia pudessan els alarmar la populaziun sch’i avess da crudar in fitg grond meteorit sin la terra.