Tge marca ston ins avair per esser acceptà? Quant bass purtar las chautschas per ch'ins è anc cool? E co ir enturn cun ideals da bellezza che pretendan ch'ins saja satigl? I dat bles models, dentant i dat era models trids. Esser in model, in siemi per bleras.
La giuvna dunna rumantscha Rebecca Stecher è datiers dal siemi dad esser in model. Ella è daventada "Vice-Miss Ostschweiz" e sa perquai era far da model. Il Minisguard ha vulì savair dapli da la vita en quest mund da Miss e models ed ha visità ella.
Rebecca Stecher
Model da fashion
La branscha da moda flurescha mintg'onn da nov e preschenta adina puspè fatschas novas. Saja quai dunnas u umens. Tschertgadas èn persunas bellas che n'han naginas retegnientschas da star davant la camera. Uschia sco Jan Spescha da Cuira, che lavura parzial sco model da fashion.
A la tschertga da models
Sper las annunzias che las agenturas da models survegnan, tschertgan ellas era la glieud direct sin via. Quella lavur vegn fatga d'uschenumnads modelscouts. Era l'agentura da models Biba a Turitg ha engaschà in tal. Babina Palaia la scheffa da Bibamodels, raquinta davart da sia'agentura e la lavur sco modelscout.