Ils rapports da las medias pon avair grondas consequenzas. Il Minisguard mussa tge ch'è la rolla da las medias e lur pussanza e mussa tge che las medias pon tut chaschunar.
Tge che las medias pon chaschunar
Medias, vul dir il radio, la televisiun, l’internet e las gasettas èn en emprima lingia qua per tegnair nus sin il current. Senza las medias fissan nus sco tschorvs. Nus na savessan nagut pli da tge che gartegia sin il mund. Ma las medias pon era chaschunar consequenzas main positivas. Tgeninas? Guardai il filmin survart.
Oz fitg interessant, damaun lungurus
Ina tema nov, spezial ed extraordinari. Quai è tge che las medias dovran per pudair trair l’attenziun dals aspectaturs. Persunas renumadas, laders, eveniments gronds u novitads da disgrazias. Ma temas sco quels interesseschan be a curta vista. Suenter spetgan ils consuments da medias insatge nov.
