Els chavan ora persunas ch’èn sut ruinas da bajetgs bumbardads e gidan en segirtad persunas blessadas. Quai fan las chapellinas alvas, in’organisaziun d’agid, ch’è activa en tschertas parts da la Siria. Mo era sch’ellas stattan per ina buna chaussa datti critica.
Ils White Helmets, las chapellinas alvas, quai èn numerus voluntaris che han la finamira da proteger la populaziun da la Siria, lur manader è Raed Saleh. La populaziun en Siria patescha. Aleppo è sblundregià. Dieschmillis da fugitivs èn ordaifer dad Aleppo sin il pajais – senza protecziun, senza in tetg sur il chau e pateschan fraid.
