Las Alps, ils culms che sa chattan amez l’Europa u ditg auter, nua che nus essan da chasa, èn ils pli giuvens culms ch’i dat sin nossa terra. Avant che las Alps èn dentant naschidas èsi capità fitg bler.
Arena tectonica Sardona – in dals lieus ils pli spezials
Nagut n'è pli sco ch’igl era ina giada. Tut è sa midà. Là nua ch'igl aveva pli baud ina gronda mar èn uss nossas Alps. Sco è quai capità? Nus ans essan mess sin ils fastizs dal svilup dals continents e tut quai che tutga latiers. E nus essan stads en quel lieu, nua ch’ins vesa quest svilup uschè bain sco nagliur auter sin il mund.