cuntegn

Zambregiar Anghels da palpiri

Uschia fas ti cun pauc material ed en curt temp in anghel miraculus per pender vi da la fanestra u vi dal pignol da Nadal.

Autor: Tamara Deflorin / Lorena Cadotsch

Pass per pass

Furmar in vestgì cun las duas furmettas da palpiri. Quai funcziuna il pli simpel cun volver ellas sur il det mussader e furmar ad in tgeiel. Suenter metter ellas ina sur l’autra.
Tagliar 2 tocs corda/launa da ca. 25 cm. Per la fixaziun enfilar entamez ina pitschna perla da lain. Per ils pes fixar mintgamai ina pitschna perla a la fin.
Enfilar las fins da la fixaziun en la guglia da launa. Metter ils pes en l’anza resultada. Cun la guglia perfurar entamez da las furmettas da palpiri e trair bain. La perla da lain serva sco agid per tegnair tut ensemen.
Enfilar la gronda culla da lain.
Fixar da sutensi duas pennas en la gronda culla da lain e tatgar quellas cun colla. Alternativa: Liar ensemen las pennas e liar sco in schal enturn culiez.
L‘anghel è bel e pront per sgular.