Paucs ma bels e delizius: Quai è mes motto il december, cura che jau cumenz a far mams, sco nus schain per part en la Cadi. Il pli bel è, sch’i gartegia da far in di da project cun mias figlias. Il pli bel e custaivel dal temp d’advent e Nadal è per mai, pudair star cun mia chara famiglia e chars amis e pudair giudair en serenezza noss buns mams. Quai è in regal!
Metter a fraid: 2 uras
Coier: 8 min.
Las ingredienzas per 24 «cullas magicas»
- 1 taja da vaniglia
- 50 g paintg
- 125 g zutger
- 1 presa sal
- 2 ovs frestgs
- 100 g zutgers da caramella loms
- 160 g farina
- 50 g mandlas mieutas
- 50 g pulvra da cacau
- 1 tp pulvra da levon pulvra da zutger
tp = tschadun pitschen
Pass per pass
- Maschadar ils sems da vaniglia cun il paintg, il zutger ed il sal en ina cuppa.
- Agiuntar ils ovs e truschar bain.
- Tagliar las caramellas en pitschens quadrins e maschadar cun la farina, las mandlas mieutas, la pulvra da cacau e la pulvra da levon.
- Maschadar tut cun l’emprima massa e laschar pussar durant 2 uras en in lieu fraid.
- Suenter quellas duas uras tschentar la pulvra da zutger en in taglier/plat.
- Furmar cun ils mauns circa 24 cullas grondas sco nuschs e lura volver las cullas en la pulvra da zutger.
- Tschentar las cullas sin duas lastras cuvertas cun in palpiri da furn. Laschar in zic distanza tranter las cullas.
- Coier ils biscuits entamez il furn prestgaudà sin 160°C aria chauda per 8 min. e laschar sfradentar.
-
Legenda: Cullas da caramella e tschigulatta RTR, Gaby Degonda