Recept - Cornflakins cun tschigulatta alva

Quests tustgets èn simplamain fitg buns. Spezialmain durant il temp da Nadal.

Preparaziun: 10 min.
Laschar vegnir dirs ils cornflakins: 60 min.

Las ingredienzas

• 300 g cornflakes
• 500 g tschigulatta alva
• 2 pachets paletscha da citronas (grattada)
• 1 pachet glasura stgira

Pass per pass

1. Metter la tschigulatta en ina cuppa, luentar la tschigulatta en in bogn d‘aua a temperatura bassa e laschar sfradentar in pau.
2. Agiuntar la paletscha da citronas ed ils cornflakes e maschadar tut fitg bain.
3. Furmar cun in tschadun grond bels mantunets, als plazzar sin la lastra cuverta cun in palpiri da furn, metter a frestg ils cornflakins per als laschar vegnir dirs.
4. Garnir ils tustgets / biscuits cun la glasura.