Tge dovri sco prim per pudair realisar in chalender d'advent per uffants? Precis in'idea ed in concept. L'idea da crear in chalender d'advent audiovisual per uffants è vegnida da Flavia Walder, ina dunna plain energia e schlantsch, che dirigia differents chors d'uffants e giuvenils en Surselva. Sia idea? 24 portas cun chanzuns e versets per uffants preschentadas uschia ch'ils uffants pon chantar cun, emprender ils differents moviments e participar activ ensemen cun lur amis, famiglias, manaders e manadras da canortas ubain cun lur scolastas e scolasts.
Jau hai cumenzà la stad cun rimnar las chanzuns e crear ideas per il chalender d'advent e sun ussa fitg spannegiada sin il resultat final.
Ensemen cun il team da RTR è alura naschida l'idea per il concept da questas 24 portinas. Silsuenter èsi stà d'organisar la realisaziun e la filmada. Pia, chattar in bun e bel lieu, organisar ina persuna che po far la camera e registrar il tun, organisar decoraziun da Nadal gia il settember, identifitgar ed eleger las chanzuns ed ils versets, far emprovas ed in scenari per la filmada e, e, e...
-
Bild 1 von 14. Il team da producziun dal chalender d'advent 2021. Bildquelle: RTR.
-
Bild 2 von 14. Anc è il pignol in pau vids. Bildquelle: RTR.
-
Bild 3 von 14. Il material è pront per la registraziun. Bildquelle: RTR.
-
Bild 4 von 14. Onna Paulina, Carla ed Adina han plaschair e grond gust. Bildquelle: RTR.
-
Bild 5 von 14. Il tschuppi cun las primas duas chandailas . Bildquelle: RTR.
-
Bild 6 von 14. Registraziun da la porta 8 en cuschina. Bildquelle: RTR.
-
Bild 7 von 14. L'um da tun Simon Manetsch en plaina concentraziun. Bildquelle: RTR.
-
Bild 8 von 14. Mintga detagl da la decoraziun sto constar. Bildquelle: RTR.
-
Bild 9 von 14. Flavia ed Onna Paulina Walder èn prontas en stiva chauda. Bildquelle: RTR.
-
Bild 10 von 14. Tamara Deflorin observa la scena durant la registraziun. Bildquelle: RTR.
-
Bild 11 von 14. Plain concentraziun: Noss um da camera Herbert Jochum . Bildquelle: RTR.
-
Bild 12 von 14. Tschuetta Rut vegn giugada da Marina Adjavon Blumenthal. Bildquelle: RTR.
-
Bild 13 von 14. Tagl dal material da video cun Casper Montalta en chasa RTR. Bildquelle: RTR.
-
Bild 14 von 14. Sprint final era tar las illustraziuns da Sandra Palaia-Moor. Bildquelle: RTR / stellArte Sandra Palaia-Moor.
Durant la filmada sto alura mintga detagl constar, mintga rucla sto avair ses lieu, las dretgas chandailas esser envidadas e natiralmain las chanzuns ed ils versets tunar bain e correct. Enfin che quai è uschia lunsch po quai dar ch'ins sto repeter ina scena duas trais giadas. Silsuenter vegn alura la meglra scena tagliada ensemen per la finala alura emetter e publitgar las 24 portinas sin rtr.ch/uffants. Gist questa lavur faschain nus ussa il mument. Preparar e tagliar las scenas, tscherner maletgs e layouts per pudair emetter ellas a partir dal prim da december.
Jau ma legrel sin la publicaziun dal chalender a partir dal december sin rtr.ch/advent e spetg plain mirveglias sin ils resuns dals uffants e da las famiglias.
Avais vus survegnì gust d'era guardar il chalender d'advent? T'annunziai qua per la newsletter da RTR – uschia na machentais vus betg l'emprima porta a partir dals 01-12-2021.