Per l'emprima giada insumma en la carriera ha Jonas Bösiger cuntanschì l'emprim plaz en la cuppa mundiala.
Grondius segund sigl
Suenter in emprim sigl cun 73,25 puncts èsi gartegià ad el da far in sigl cun 88,75 puncts. Grazia a quel ha el surpiglià la testa. En la davosa runda n'èn nagins da ses concurrents pli sa meglierads, uschia ch'igl era cler ch'el gudognia.
Cun total 162,00 puncts, ha Bösiger gudagnà cun passa 20 puncts distanza. Segund è vegnì il Finlandais Rene Rinnekangas (141,00), terz il Svedais Sven Thirgren (134,00).
Cun quai n'hai jau betg quintà. Jau hai simplamain vulì ir cun snowboard ed sa divertir. Quai è bain stà il recept cumprovà.
Segund meglier Svizzer è Moritz Boll, sin il 10avel plaz. Per ils ulteriurs otg Svizzers n'hai betg tanschì per il final. Er tar las dunnas n'han naginas Svizras cuntanschì il final.
