Finalmain han ils skiunzs pudì absolver l’emprima cursa rapida da la cuppa mundiala da la stagiun. E l'American Bryce Bennett ha gist procurà per ina sensaziun. Cun il numer 34 va Bennett sisum il podest. Trais tschientavels pli spert è el stà ch'il Norvegiais Aleksander Kilde. Era mo 5 tschientavels enavos è Marco Odermatt che fa rang 3.
- Bryce Bennett (USA) 1:23,80
- Aleksander Kilde (NOR) +0,03
- Marco Odermatt (SUI) +0,05
Marco Kohler va sin rang 8
Per ina sensaziun ord vista svizra procura Marco Kohler. En sia terza cursa rapida da la cuppa mundiala va il skiunz da 26 onns sin rang 8. Ils ulteriurs spezialists svizzers da la cursa rapida fan resultats maghers, las differenzas tranter ils singuls skiunzs èn dentant era minimas. Gist anc en ils top 20 po sa rangar il Grischun Stefan Rogentin.
Ils ulteriurs Svizzers:
- 20. Stefan Rogentin +0,74
- 25. Niels Hintermann +0,93
- 31. Ralph Weber +1,02
- 34. Franjo von Allmen +1,07
- 38. Justin Murisier +1,09
- 42. Alexis Monney +1,38
- 46. Gilles Roulin +1,51
- 48. Josua Mettler +1,53
- 53. Lars Rösti +1,90
