Marco Wildhaber da Tusaun è il nov retg, e Klara Zimmermann la nova regina da las chavorgias. Els èn stads ils pli svelts sin la cursa d'aventura che maina sur 19 kilometers da Tusaun a Donat ed è la segunda part dal classament da las etappas.
Klara Zimmermann da Turitg ha distanzià la concurrenza. Ella a gudagnà gist omaduas cursas, dad ier ed oz. Wildhaber è daventà ier ed oz segund, emprim è Arnold Aemisegger vegnì.
Il victur da la Transruinaulta dad ier Nico Dalcolmo da Tavau ha stuì desister oz da partir per la Transviamala, pervi d'ina blessura. Cun in temp da 3:24:36 uras ha Nico Dalcolmo gudagnà la sonda la novavla ediziun dal Transruinaulta. Sin ils 42 kilometers tranter Glion e Tusaun è il currider da Tavau stà bun 1:55 minutas pli spert che sia concurrenza. Durant ils emprims trais tschintgavels ha el mussà ina cursa plain tensiun Wildhaber da Tusaun.
-
Bild 1 von 4. Nico Dalcolmo. Bildquelle: Transruinaulta/Transviamala.
-
Bild 2 von 4. Nico Dalcolmo a la partenza a Glion. Bildquelle: Transruinaulta/Transviamala.
-
Bild 3 von 4. Marco Wildhaber. Bildquelle: Transruinaulta/Transviamala.
-
Bild 4 von 4. Marco Wildhaber e Nico Dalcomo. Bildquelle: Transruinaulta/Transviamala.
La cursa Transruinaulta da las dunnas ha gudagnà cun passa 20 minutas avantatg Klara Zimmermann da Turitg. Cun in temp da 4:04:52 uras è ella stada bun 21 minutas e mez pli sperta che Nicole Klingler dal Principadi da Liechtenstein. Sin terz plaz è Gisler dad Erstfeld.