Bernal gudogna il 106avel Tour de France cun in avantatg da 71 secundas sin il Brit Geraint Thomas, il collega da squadra e victur da l'onn passà. Il venderdi aveva Bernal surpiglià l'emprima plazza dal classament general dal Franzos Julian Alaphilippe.
Gudagnà l'ultima etappa ha l'Australian Caleb Ewan en in sprint avant l'Ollandais Dylan Groenewegen.
In record per Sagan
Ils classaments spezials gudognan il Franzos Romain Bardet (premi da muntogna) ed il Slovac Peter Sagan (classament da puncts). Sagan è arrivà per la setavla giada en il tricot verd a Paris, ina giada dapli ch'il meglier d'enfin uss il Tudestg Erik Zabel.
Tut ils quatter Svizzers ch'eran partids ils 6 da fanadur a Brüssel han terminà la cursa da trais emnas. Il meglier Svizzer è sin plazza 17 Sébastien Reichenbach. Il Vallesan da la squadra Groupama-FDJ ha pers radund 44 minutas sin Bernal.
Il proxim Tour de France parta ils 27 da zercladur 2020 a Nizza.
RR novitads 22:00