Al campiunadi mundial da las dunnas a Brampton en il Canada han las Svizras manchentà il final. La squadra dal trenader Colin Muller ha pers il mezfinal cunter la squadra ospitanta e defensura dal titel dal Canada cleramain cun 1:5. Grazia ad ina ferma prestaziun da la golia Andrea Brändli stevi 0:0 fin la 32avla minuta. Fin lura ha Brändli parà 54 sajets da las Canadaisas.
Uss spetga la Tschechia
En il gieu per bronz fruntan las Svizras questa saira a las nov temp svizzer sin las Tschecas ch’han pers cunter las Americanas gist cun 1:9. Uschia vegni en il final dal 22avel campiunadi mundial da las dunnas per la 21avla giada tar il duel tranter il Canada ed ils Stadis Unids. Fin uss èn las Canadaisas vegnidas 13 giadas campiunessas mundialas e las Americanas 10 giadas.
