Team Relay mountainbike - Schurter e Hutter gudognan aur per la Svizra
La Svizra ha pudì defender il titel da campiun mundial en la cursa da staffetta da mountainbike, il Team Relay. L'equipa svizra cun ils dus grischuns, la juniora Anina Hutter e l'atlet d'elita Nino Schurter ha gudagnà a Glentress Forest en la Scozia aur avant la Frantscha ed il Danemarc.
Reacziuns dals dus grischuns Nino Schurter ed Anina Hutter
05:37 min, ord Actualitad dals 09.08.2023.
Maletg: Keystone
laschar ir. Durada: 5 minutas 37 Secundas.
Igl è stà sco spetgà in stretg duel tranter las duas grondas naziuns da mountainbike, la Svizra e la Frantscha. Procurà per la decisiun ha Anina Hutter, la giuvna da 18 onns da Trimmis. Ella ha pudì surpassar la juniora franzosa sin la 5avla da 6 rundas ed uschia pudì surdar a Nino Schurter cun in avantatg da 15 secundas. Il grond campiun ha la finala pudì tegnair sin distanza il Franzos Jordan Sarrou e defender l'emprim plaz. La finala han ils Svizzers triumfà cun in avantatg da 9 secundas sin ils Franzos e 41 secundas sin il team dal Danemarc.
01:15
video
Ils davos meters da Nino Schurter
Or da Sport-Clip dals 09.08.2023.
laschar ir. Durada: 1 minuta 15 Secundas.
L'equipa svizra en il Team Relay:
Dario Lillo (junior U19)
Nicolas Halter (um U23)
Ronja Blöchlinger (dunna U23)
Linda Indergand (dunna d'elita)
Anina Hutter (juniora U19)
Nino Schurter (um d'elita)
01:42
video
L'equipa svizra retschaiva la medaglia dad aur
Or da Sport-Clip dals 09.08.2023.
laschar ir. Durada: 1 minuta 42 Secundas.
Per la Svizra èsi gia il 8avel titel da campiun mundial en questa disciplina Team Relay. Uschia han ils Svizzers in success dapli che la Frantscha. Per Nino Schurter èsi dasper ses 10 titels da cross-country er gia il 7avel titel cun la staffetta.
Impressiuns dal Team Relay
1 / 6
Legenda:
Nino Schurter vid celebrar il titel da campiun mundial.
Keystone
2 / 6
Legenda:
Nino Schurter vid ils davos detagls, vid drizzar en il velo ensemen cun ses mecanist Yanick Gyger.
Keystone
3 / 6
Legenda:
Da sanester: Nicolas Halter, Nino Schurter, Dario Lillo, Ronja Blöchlinger, Anina Hutter e Linda Indergand.
Keystone
4 / 6
Legenda:
Nino Schurter en il discurs cun ses concurrent franzos Jordan Sarrou.
Keystone
5 / 6
Legenda:
Nino Schurter durant sia runda en il Team Relay.
Keystone
6 / 6
Legenda:
Il sextet svizzer suenter l'otgavel titel per la Svizra en il Team Relay.
Keystone