L’idea da gieus olimpics d’enviern en Svizra duai vegnir persequitada vinavant. Quai ha decis il comité executiv da Swiss Olympic. Per quest intent veglian ins proponer al Comité olimpic internaziunal IOC d’entrar d’in dialog «informal» en in dialog «cuntinuant».
Betg ina candidatura concreta
Swiss Olympic ha suttastritgà che quest dialog na sa refereschia betg ad in onn d’occurrenza specific. En il rom dal dialog veglian ins examinar sche las premissas per ina candidatura eventuala da la Svizra sajan dadas. Las pretensiuns da l’IOC pertutgant la surdada e l’execuziun da gieus olimpics sajan numnadamain sa midadas, sco Swiss Olympic di vinavant.