Il duo Svizzer cun Lukas Flückiger e Nicola Rohrbach gudagna er la 3. etappa dal Swiss Epic ch'ha manà sur 75km da San Murezzan a Tavau. Lur avantatg a la testa da quella cursa da mountainbike da pliras etappas munta entant ad 1 minuta.
Datiers dal podest arriva il Sursilvan Andrin Beeli cun Matthias Stirnemann ch'èn vegnids quarts ed èn uss era quarts en il classament general dal Swiss Epic. L'Engiadinais Fadri Barandun vegn ensemen cun Vinzent Dorn da la Germania 11avel. Per la quarta etappa dal Swiss Epic restan ils mountainbikers a Tavau e conturn.
