Marco Odermatt ha fatg l'emprim plaz en la cursa da super-G a Garmisch-Partenkirchen. Sin il segund plaz è sa classà l'Austriac Raphael Haaser. Per Marco Odermatt è quai la 9avla victoria questa stagiun.
Il Podest
- 1. Marco Odermatt (SUI) 1:10,13 minutas
- 2. Raphael Haaser (AUT) +0,30 secundas
- 3. Franjo von Allmen (SUI) +0,61 secundas
Von Allmen 12avla cursa e gia sin il podest
Sin plaz trais hai dà la surpraisa: Franjo von Allmen ch'è daventà terz. Per il giuven da 22 onns èsi l'emprim plaz da podest da sia carriera. Per von Allmen èsi stà pir ses quart super-G en la cuppa mundiala, e las 12avla cursa insumma ch'el ha fatg part. En egl era el dà mez december cun ses 9avel rang en il super-G a Gröden, ed era la sonda a Gramisch.
Era Arnaud Boisset ha mussà sco 7avel ina ferma prestaziun. Stefan Rogentin sco 12avel e Justin Murisier sco 13avel han manchentà per pauc ils top 10. Loïc Meillard – ch'è vegnì terz il venderdi, ha la sonda be cuntanschì il 19avel plaz.