Il Super G da la dumengia a Crans-Montana ha l'austriaca Stephanie Venier gudagnà. Cumplettà il podest han las duas talianas Federica Brignone e Marta Bassino.
Lara Gut-Behrami manchenta en la terza cursa da speed a Crans-Montana la terza plazza da podest. La Tessinaisa è vegnida 6avla. En il classament general maina Gut-Behrami stgars avant Cornelia Hütter ch'ha en questa cursa cuntanschì il 5avel plaz.
Betg da la partida è stada Jasmine Flury. La Grischuna haja dolurs en il schanugl dretg da la cursa rapida la sonda ed è perquai betg ida a la cursa dal Super G. I sa tractia dentant d'ina mesira da precauziun, ha Swiss-Ski communitgà.
Il podest:
- Stephanie Venier (AUT) 1:16,52 min.
- Federica Brignone (ITA) +0,04 sec.
- Marta Bassino (ITA) +0,15 sec.
Las svizras:
- 6. Lara Gut-Behrami +0,46 sec.
- 21. Jasmina Suter +1,83 sec.
- 23. Michelle Gisin +1,90 sec.
- 25. Priska Nufer +2,08 sec.
- OUT Delia Durrer
- OUT Stephanie Jenal
- OUT Noémie Kolly
- OUT Janine Schmitt
