La staffetta da biatlon svizra dals umens ha manchentà ina plazza tranter ils top 10 als gieus olimpics. Il quartet cun Sebastian Stadler, Benjamin Weger, Niklas Hartweg e Joscha Burkhalter è vegnì 12avel en la cursa sur 4x7,5 kilometers. Sin ils victurs han els in retard da passa 4 minutas.
Suenter il emprim trair era la Svizra per curt temp a la testa. Sebastian Stadler ha tutgà tut las schibas en 23,7 secundas – il pli spert da tuts. Fin tar il davos curridur era la Svizra sin il 8avel rang. Cun il currider final Burkhalter è la plazza da diplom dentant stada davent. Il Bernais ha stuì far ina runda da chasti. Ordavant avevan ses collegas tutgà senza macla.
Reacziuns dals curidurs suenter la cursa
Las medaglias:
- Norvegia, 1:19:30,2 uras
- Frantscha, +27,4 secundas
- Federaziun olimpica da la Russia, +45,3