Cun la partida tranter il quatter dubel campiun mundial e tripel campiun d’Europa da la Germania encunter la Scozia cumenza il venderdi saira per ils fans da ballape il pli bel temp da l’entir onn: L’Euro da ballape 2024 en Germania. Durant in mais cumbattan 24 equipas en 51 gieus da ballape per il titel dal campiun d’Europa. 18 onns suenter la «paraula da la stad» en Germania, ospitescha noss vischin dal nord puspè in grond turnier da ballape.
Quant fermas èn las grondas naziun da ballape: Frantscha, Engalterra u l’Italia. E tge e pussaivel per l’equipa dal trenader Murat Yakin. Dentant er davart il plaschair, l’euforia, bigliets ed ils pli bels tricots discuta la redacziun da sport dad RTR en la «Sportlounge» vi dad ina maisa radunda.
Il gieu il pli pretensiuns per la Svizra è tgunsch ils 23 da zercladur cunter la Germania.
Quai èn tuttas datas da gieus da la Svizra en la fasa da gruppa:
| Sonda, 15-06, 15:00 | Ungaria-Svizra |
| Mesemna, 19-06, 21:00 | Scozia-Svizra |
| Sonda, 23-06, 21:00 | Svizra-Germania |
Tut las datas dals gieus èn rimnà qua. Ils otgavelfinals cumenzan per la Svizra tut tenor il resultat la sonda, ils 29-06. Lura dat l'emprim ed il segund u cunter il segund da la gruppa B u il segund da la gruppa C.
Ils davos tschintg campiunadis europeics cun la Svizra:
- L'emprima giada il 1996 en l'Engalterra. Là aveva surtut il trenader portugais Artur Jorge procurà per discussiuns. El aveva numnadamain bittà or dal cader Adrian Knupp ed Alain Suter. Cun in pari e duas terradas e la Svizra turnada a chasa suenter la prerunda – ed er il trenader era bainbaud puspè istorgia.
- Il 2004 en il Portugal aveva Alex Frei procurà per lingias grassas. El aveva spidà sin in giugader Englais durant la partida. L'emprim aveva el snegà quai, ils maletgs da televisiun avevan dentant dà scleriment. Il sulet gol per la Svizra ha Johan Vonlanthen fatg – quai sco pli giuven en l'istorgia da la EM – cun mo 18 onns.
- Il 2008 campiunadi europeic en Svizra e l'Austria. Peter surtut per l'attatgader Alex Frei: En la 42avla minuta da la partida d'avertura avant prest 40'000 fans ha el sa blessà ed è i cun larmas giu dal plaz. Da cridar era il resultat da la Svizra da quest campiunadi: Sco pli emprim ospitant croda la Svizra en la prerunda or dal turnier.
- Il 2016 en Frantscha, il mument magic en l'otgavel final a Saint-Etienne: Igl è la 82avla minuta, la Svizra è davos cun 0:1 encunter la Pologna. Tgi auter che Sherdan Shaqiri – in gol da l'onn che procura per extasa. I suonda in crimi da penaltis: mo in da 10 na tutga betg; Granit Xhaka.
- Il 2021 lura la stad miraculusa, il highlight da 70 onns ballape svizzer: En il 8avel final encunter il campiun mundial actual Frantscha. Diesch minutas avant la fin da la partida è la naziunala Svizra davos en cun 1:3: Haris Seferovic e Mario Gavranovic spendran la partida en la runda da penaltis. Suenter che nov tiradurs han gia tutgà tegn Yann Sommer il penalti dal superstar Kylian Mbappé. In dals paucs success da la Svizra tar penaltis. En il quartfinal è il turnier a fin per la Svizra, ina terrada encunter la Spagna suenter penaltis.
