Snowboard e freeski - Junioras e junior engiadinais als campiunadis mundials
Gronda onur per trais giuvnas atletas ed atlets da snowboard e freeski engiadinaisas. Per ils campiunadis mundials da juniors dals 15 fin als 28 da mars a Krasnojarsk en Russia, han Swiss-Snowboard e Swiss-Ski era selecziunà trais talents rumantschs.
Legenda:
Bianca Gisler durant la concurrenza da Big Air als gieus olimpics da giuvenils a Leysin il schaner 2020.
Keystone
Ricarda Hauser da Scuol po ir a la partenza da la cursa da snowboard alpin, e Bianca Gisler era da Scuol tar las concurrenzas da Slopestyle e Big Air. Avant in on aveva Bianca Gisler gudagnà la medaglia da bronz tar ils gieus olimpics da la giuventetgna a Losanna. Ricarda Hauser è vegnida dacurt segunda tar la concurrenza da snowboard alpin da las junioras a Simonhöhe en Austria.
Tar ils umens è il giuven Gian Andri Bolinger da Zuoz vegnì selecziunà. El parta en las concurrenzas da freeski.
