L'Americana Mikaela Shiffrin va a sia 90avla victoria en la cuppa mundiala, cun gudagnar il slalom a Killington en ils Stadis Unids. Ella gudogna avant Petra Vlhova e Wendy Holdener. La Svizra è sa meglierada per in rang cun sia segunda cursa e daventa terza, cun in retard da passa 1,3 secundas sin Shiffrin. Sin la segunda, la Slovaca Petra Vlhova – perda Holdener in zic dapli ch'ina secunda.
- Mikaela Shiffrin (USA) 1:42,20
- Petra Vlhova (SVC) +0,33
- Wendy Holdener (SUI) +1,37
Gisin era en las top 10
Cun Michelle Gisin è ina segunda Svizra sa rangada tranter las meglras, cun far rang 6. Ella ha surpassà ses meglier resultat en il slalom da l'enviern passà (rang 8) gia en la terza cursa. Era bunas prestaziuns han mussà Camille Rast e Mélanie Meillard. Omaduas èn sa meglieradas en il segund percurs per mintgamai 9 plazs.
- 6. Michelle Gisin (+2,01)
- 12. Camille Rast (+2,41)
- 16. Mélanie Meillard (+2,48)
