Segund slalom a Levi - Vlhova va sur ina stanga, Shiffrin gudogna per la 89avla giada

Mikaela Shiffrin gudogna il segund da slalom da Levi. Cun quai gudogna l'American per la 89avla giada en la cuppa mundiala e per la 7avla giada a Levi.

Petra Vlhova, ch'era la pli sperta da l'emprim percurs e la victura da sonda, era en viadi vers in'ulteriura victoria cura ch'ella ha fatg in sbagl ed è ida sur ina stanga en la part la pli stippa dal percurs.
Leona Popovic fa sco segunda per l'emprima giada il sigl sin il podest da la cuppa mundiala, cumplettà vegn il podest da la Tudestga Lena Dürr.

1. Mikaela Shiffrin (USA) 1:51,68
2. Leona Popovic (CRO) +0,18
3. Lena Dürr (GER) +0,30

Wendy Holdener 8avla

Sco 8avla è Wendy Holdener er suenter il segund percurs la meglra Svizra. Mélanie Meillard, ch'è sonda vegnida 7avla, n'è betg stada buna da mussar la medema prestaziun e vegn 28avla. Michelle Gisin vegn 15avla, er Camille Rast (19avla) e Nicole Good (21avla) fan er puncts.

Las Svizras

• 8. Wendy Holdener +1,41 secundas
• 15. Michelle Gisin +2,32
• 19. Camille Rast +2,48
• 21. Nicole Good +2,59
• 28. Mélanie Meillard +3,32
• Betg en il segund percurs: Elena Stoffel, Janine Mächler, Lorina Zeiger

Emprima cursa: Petra Vlhova gudogna per la 6avla giada a Levi, Meillard 7avla

02:07

video

Petra Vlhova gudogna en maniera dominanta

Or da Sport-Clip dals 11.11.2023.

laschar ir. Durada: 2 minutas 7 Secundas.

Petra Vlhova gudogna per la 6avla giada in slalom a Levi. La Slovaca, ch'era gia la pli sperta suenter l'emprim percurs, ha er dominà en il segund percurs da l'emprim slalom. Segunda è vegnida la Tudestga Lena Dürr, Katharina Liensberger da l'Austria ha fatg il sigl sin il podest, Mikaela Shiffrin è crudada sin plaz quatter.

1. Petra Vlhova (SVK) 1:50,59
2. Lena Dürr (GER) +1,41 secundas
3. Katharina Liensberger +1,55 secundas
4. Mikaela Shiffrin (USA) +1,70 secundas

Mélanie Meillard meglra Svizra

01:05

video

Meillard: «Uschia in resultat gida bler»

Or da Sport-Clip dals 11.11.2023.

laschar ir. Durada: 1 minuta 5 Secundas.

Mélanie Meillard è er stada suenter il segund percurs la meglra Svizra, la skiunza da Neuchâtel è vegnida 7avla. Wendy Holdener ha gudagnà tschintg plazs en il segund percurs ed ha finì sin plaz. Auter èsi ì a Camille Rast e Michelle Gisin, ellas han omadus pers tschintg plazs.

• 7. Mélanie Meillard +2,99 secundas
• 12. Wendy Holdener +3,49
• 18. Camille Rast +3,98
• 21. Michelle Gisin +4,20
• Betg en il segund percurs: Elena Stoffel, Lorina Zelger, Selina Egloff, Nicole Good

Dumengia suonda il segund slalom da Levi.