A la cuppa mundiala da skicross sin la Reiteralm en l'Austria vegnan duas svizzras terzas. Ina giada la grischuna Talina Gantenbein e per l'autra Margaux Dumont da Genevra. Tar ils umens vegn Alex Fiva en il final. Là manchenta il Grischun dentant ina porta e vegn silsuenter pervia dad in foul disqualifitgà.
Jonas Lenherr cun in comeback
Podest per la Svizra a la cuppa mundiala da skicross sin la Reiteralm en l'Austria. En il final gartegia a Jonas Lenherr ina spectaculara cursa che maina el sin plaz dus. Emprim vegn il Svedais Erik Mobärg e terz il Franzos Melvin Techiknavorian. Per il Svizzer da 34 onns èsi il segund plaz da podest da questa stagiun da skicross.
Il Grischun Alex Fiva n'ha betg pudì persvader. El è gia crudà or da la cursa en l'otgavelfinal. Las dunnas n'han betg pudì far la cursa. Memia blera naiv ha impedì da pudair preparar ina buna pista. Damaun è pussaivel che quai po puspè esser il cas, sin la Reiteralm en l'Austria è planisà in'ulteriura cursa da skicross.
