Fiva sin il podest la sonda
En la cursa da la cuppa mundiala da skicross a Bakuriani en la Georgia ha Alex Fiva fatg il sigl sin il podest. Il Grischun da 38 onns è vegnì terz. Gudagnà la cursa ha il Svedais David Mobärg.
Tar las dunnas è Talina Gantenbein vegnida quarta. La Grischuna da 25 onns è cupitgada en il final. Gudagnà la cursa ha la Canadaisa Marielle Thompson.
Gantanbain sin il podest la dumengia
Tar la segunda cursa a Bakuriani en Georgia ha la squadra svizra pudì festivar dus ulteriurs plazs da podest:
Tar las dunnas è la Grischuna Talina Gantenbein vegnida terza. Gudagnà la cursa ha puspè la Canadaisa Marielle Thompson.
Tar ils umens è Tobias Baur vegnì terz. Gudagnà la cursa ha il Talian Simone Deromedis.