Tar la cuppa mundiala da skicross a San Murezzan datti era bler da giubilar per la Svizra. Cun Fanny Smith tar las dunnas ed il Grischun Alex Fiva tar ils umens han dus atlets svizzers cuntanschì il podest. Omadus han fatg il segund plaz. Las victorias èn idas en il Canada, cun Marielle Thompson, ed en l'Italia cun Simone Deromedis.
Surprais ha era la Turitgaisa Saskja Lack ch'ha cuntanschì plaz quatter – che munta per Lack il meglier resultat da sia carriera.
