Ski freestyle - Victoria dubla per la Svizra

Di d'allegria per la Svizra en il Kasachstan: A la fin da la cuppa mundiala d’aerials ad Almaty cuntanscha il campiun mundial Noé Roth grazia a la plazza dus er la victoria en il classament general da la cuppa mundiala. Trais emnas suenter avair gudagnà il titel al campiunadi mundial a Bakuriani ha Noé Roth uschia dastgà festivar ses proxim grond triumf. La victoria dal di va medemamain ad in Svizzer, a Pirmin Werner.