Il super-G dals umens ch’è vegnì annullà a Lake Louise ed a Bormio, vegn prendì suenter a Wengen. E quai en 10 dis, la gievgia ils 13 da schaner. Il super-G è l’emprima da las en tut quatter cursas al Lauberhorn. Il venderdi e la sonda èn lura cursas rapidas e la dumengia datti lura anc in slalom.
A Wengen hai dà fin uss ina cursa da super-G da la cuppa mundiala. Avant 28 onns ha gudagnà Marc Giardelli dal Vorarlberg che gieva dentant per il Luxemburg. Suenter el èn suandads ils dus Norvegiais Jan Einar Thorsen ed Atle Skaardal.