Marco Odermatt è campiun olimpic en il slalom gigant. Il Svizzer da 24 onns ha tegnì sin distanza il Sloven Zan Kranjec ed il Franzos Mathieu Faivre. En il segund percurs è sulet Kranjec stà meglier che Odermatt. Suenter l'emprim percurs era Odermatt malgrà in sbagl, levet davontiers. Per il Svizzer èsi l'emprima medaglia ad ina concurrenza gronda.
Las medaglias:
- 1. Marco Odermatt (SUI) 2:09.35
- 2. Zan Kranjec (SLO) +0.19
- 3. Mathieu Faivre (FRA) +1.34
Ils ulteriurs Svizzers:
- 7. Gino Caviezel +1.85
- OUT suenter l'emprim percurs: Justin Murisier, Loïc Meillard
Gino Caviezel ha terminà la cursa sin il 7avel plaz. Il Grischun da 29 onns era suenter l'emprim percurs 10avel. Cun ina segunda emprova solida è el sa meglierà sin il plaz da diplom.
Justin Murisier e Loïc Meillard èn crudads or en l'emprim percurs. Per omadus è la cursa olimpica stada a fin en il medem lieu.