Ski alpin - Kryenbühl betg a la partenza questa stagiun

Il skiunz svizzer Urs Kryenbühl desista dad ir a la partenza da cursas questa stagiun. Sco raschun numna l'atlet da 29 onns ch'el haja davos el ina greva stad, quai tant privat sco er corporalmain. Kryenbühl veva stgarpà la fin da december in liom cruschà tar il super G a Bormio quai però senza cupitgar. Suenter sia greva cupitgada il 2021 sin la Streif a Kitzbühel è quai stà in'ulteriura schleppa per il skiunz da Sviz.